ʻIwalani Kūaliʻi-Kahoʻohanohano

Producer / Writer / Reporter

No hea mai (From):

Hilo, Hawaiʻi

No ke aha au i koho ai e hana ma ʻŌiwi Kīwī (Why I chose to work at ʻŌiwi TV):

Wahi a nā kūpuna, “Ua lehulehu a manomano ka ʻikena a ka Hawaiʻi” a ua ola kēia manaʻo i waena o ka hana a ko kākou poʻe i kēia lā. Mai ka huakaʻi holo puni honua o Hōkūleʻa me Hikianalia a i ke ola o ko kākou ʻōlelo Makuahine ma nā Pūnana Leo a ma waho, ua ola nā iwi o ko kākou poʻe kūpuna. No ia mau kumu aʻu e hana nei ma ʻŌiwi Kīwī. He kuleana koʻu ma ke ʻano he hanauna o nei ʻāina e hoʻopaʻa i kēia ʻike no nā hanauna e hiki mai ana. A ʻoiai ʻo ʻŌiwi Kīwī kaʻu ala e holo ai, ʻo ke ao pāpaho ke ʻano aʻu e hoʻokō ai i kēia kuleana oʻu.

As our ancestors once said, “Great and numerous is the knowledge of the Hawaiian people”. From Hōkūleʻa and Hikianalia’s Worldwide Voyage to the Pūnana Leo classrooms and beyond, where our Hawaiian language continues to thrive this saying still rings true today with all the great work that is being done in our community. It is my responsibility as a product of this land, to make sure that this growing knowledge is kept for the many generations to come. With ʻŌiwi TV as my chosen path to do so, I will use the power of media to fulfill this responsibility of mine.

ʻIkepili Hoihoi (Interesting Facts):

He haumāna puka wau mai ke Kula ʻO Nāwahīokalaniʻōpuʻu a hoihoi au i ke ola mau o koʻu ʻōlelo Makuahine. Me ia manaʻo, he kuleana pū koʻu ma ka hoʻihoʻi ʻana aku i koʻu ʻike i ke kahua hoʻokahi i hānai mai iaʻu i loko o ka ʻōlelo o kēia ʻāina. No laila wau i lilo ai he mea hoʻopuka no kēlā me kēia wikiō e hoʻopuka ʻia ai no ka ʻAha Pūnana Leo. Inā hoihoi paha ʻoe e aʻo i ka ʻōlelo Hawaiʻi, e nānā iā Ka Leo ʻŌiwi, ma laila wau i hoʻomaka ai i koʻu ala hana keaka ma ke ʻano he hāmeʻe e aʻoaʻo ana e pili ana i ka ʻōlelo Hawaiʻi. ʻO kekahi ʻōlelo kaulana a kō kākou poʻe kūpuna, ʻo ia ʻo “I ka ʻōlelo nō ke ola, i ka ʻōlelo nō ka make.” Ua pili ia manaʻo i kekahi pāhana nui aʻu e kōkua nei e hoʻopuka, ʻo ia hoʻi ʻo Project Kuleana 2. Aia i loko ka ʻōlelo ma nā mele i koho ʻia kahi e ulu hou ai ka mana o ko kākou kuleana ma ke ʻano he Hawaiʻi. Nui koʻu leʻaleʻa i kēia hana kekahi, ʻoiai puni au i ka hoʻokani ʻukulele a hīmeni kekahi.

I am a proud graduate of Ke Kula ʻO Nāwahīokalaniʻōpuʻu, a Hawaiian immersion school located in Puna on Hawaiʻi Island. It is because of this wonderful upbringing that I want to give back to the very foundation that brought me up in my Hawaiian language. In an effort to do so, I am now producer for all production having to do with the ʻAha Pūnana Leo and promoting who they are and what they do, which is the revitalization of our Hawaiian language. If you are interested in learning how to speak Hawaiian, please watch our Ka Leo ʻŌiwi Hawaiian language learning series. That was my big debut in our Hawaiian language products on ʻŌiwi TV. Speaking of which, another Hawaiian saying is: “In language there is life, in language there is also death.” Knowing our kuleana as kanaka Hawaiʻi is important and can be reaffirmed through mele, or song. This is what Project Kuleana 2 is aiming to do, and I am proud to share this kuleana as a producer. This is a fulfilling and fun project for me because I too, enjoy singing and playing the ʻukulele.

Kaʻu wikiō punahele ma ʻŌiwi Kīwī (My favorite video on ʻŌiwi TV):

I loko o nā hana a pau aʻu e hana ai ma ʻŌiwi Kīwī, ʻo kaʻu wikiō punahele loa, a mau wikiō paha, ʻo ia hoʻi nā moʻolelo Nā Loea. He mau wikiō kēia e puni ana i nā manaʻo a pau aʻu i hoʻopuka aku ai ma luna aʻe nei, nā mea a pau e paʻa ai ke kahua o ke Kumu Honua Mauli Ola Hawaiʻi. ʻO ka ʻōlelo ʻoe, ʻo ka lawena ʻoe, ʻo ka pili ʻuhane ʻoe, a ʻo ka ʻike kuʻuna nō hoʻi. Ua lehulehu a manomano ka ʻikena a ka Hawaiʻi, a na nā Hawaiʻi o kēia keʻena i hana like ma ka hoʻōla hou i nā moʻolelo o ko kākou poʻe Hawaiʻi a kūpuna kekahi, i ola mau nā iwi o kākou. E nānea aku i kēia mau moʻolelo i hoʻokumu ʻia na ka Hawaiʻi, no ka Hawaiʻi.

With all of the projects that I am involved in at ʻŌiwi TV, I would have to say that my favorite video(s) of all time is the Nā Loea series. This series encompasses all that I have mentioned above that touch upon the four pillars that make up our sturdy foundation of being Hawaiian. These four pillars are: the Hawaiian language, our instinctive behavior, our spirituality, and the knowledge passed down from our ancestors. Great and numerous indeed is the knowledge of our Hawaiian people, and it was the wonderful and skillful Hawaiians that make up our crew that have captured these wonderful stories to share with all of you. Enjoy Nā Loea, created by Hawaiians for Hawaiians.