Project Kuleana 2 – Release Party

Wahi a Kīhei Nahale-a, he mea hoʻopuka no Project Kuleana, “ʻO project kuleana kekahi manaʻo i upu mai, mai loko aku o mākou ʻo Sean Nāleimaile, ʻo Kamakaoa Lindsey-Asing, a me au. Ua makemake mākou e hōʻike i ka waiwai o ko mākou mele Hawaiʻi me ka waiwai o ka poʻe hīmeni i nā mele Hawaiʻi. No ka mea, ʻike ʻia nō, no nā keiki, ke nānā lākou i ke kīwī ʻaʻole nui nā kiʻi, nā polokalamu Hawaiʻi, e hīmeni nei i nā mele Hawaiʻi. Ua manaʻo mākou pono e kūkulu i kekahi pāhana i hiki ke hopu hou i ka maka, ka pepeiao, a me ka puʻuwai o nā keiki. ʻO ia ka manaʻo nui o Project Kuleana. Pōmaikaʻi mākou i ke kākoʻo mai o Hawaiʻi Tourism Authority, HTA, a me OHA. Ua ʻike lākou i ka waiwai o kēia a ua kākoʻo maikaʻi ʻia ko mākou pāhana.”

Ua ahuwale nō ma ka inoa, a ua ʻoi aku ka mōakāka ma o nā hoʻokani pila a mea hīmeni i alu pū ma kēia pāhana, ʻo kekahi waiwai o Project Kuleana ʻo ia hoʻi ka hoʻohanohano ʻia o nā Hawaiʻi ʻauamo kuleana ma nā ʻano māhele like ʻole o ke kaiāulu Hawaiʻi.

“Ua ʻike mākou he mau kānaka ʻauamo kuleana kēia poʻe no ka ʻohana, ke kaiāulu, ka ʻāina, me ka lāhui,” wahi a Sean Nāleimaile, he mea hoʻopuka o Project Kuleana

“Ma ka hale, he kāne au, he wahine kaʻu, he makua au na ʻelua keikikāne,” wahi a Aaron Salā, he puʻukani i hīmeni no Project Kuleana. “Ma waikīkī he director of cultural affairs au ma ka Royal Hawaiian center. Naʻu ka chair o ka Board of Directors no ka Hawaiʻi Tourism Authority. He aha ke kuleana? I koʻu manaʻo ke ʻauamo nei au i ke kuleana i kau ma luna oʻu. ʻAʻole au koho. Kau ke kuleana ma luna o kākou, nā Hawaiʻi, pēlā nō e hoʻoholomua ai ka lāhui. Kēia ʻano hana, ʻo ia hoʻi ka project kuleana, me kēia mau papahana e hoʻomanaʻo ʻia ana ka lāhui, he lāhui kākou. ʻOiai kākou e huakaʻi ana i ʻō a i ʻaneʻi ma ke kino a me ka noʻonoʻo ʻana, na kēia papahana, Project Kuleana, e hoʻomanaʻo ai i ka lāhui, he lāhui nō hoʻi kākou.”

E naue aku nō i ko ʻŌiwi TV kahua paʻa i mea e nānā aku ai i nā wikiō ʻo “Ka Naʻi Aupuni” lāua ʻo “Where are the Brothers?” Aloha.

“Project Kuelana is an idea that Sean Nāleimaile, Kamakoa Lindsey-Asing, and myself thought up,” said Kīhei Nahale-a, one of the producers for Project Kuelana. “We had a desire to showcase our Hawaiian songs and musicians. We saw that there aren’t many television programs that captivate our youth and encourage them to appreciate classic Hawaiian music. We wanted to create something that would capture the attention of our youth. That was the core idea. We were fortunate to have the support of the HTA and OHA, who acknowledge the value of this project.”

It’s apparent in its name and in those who participated, one important aspect of this project is that it highlights key figures who ʻauamo kuleana across our community.

“We realized that a lot of these individuals, you know, they carry a lot of kuleana for their family, for their community, for their ‘āina, for the larger lāhui,” said Sean Nāleimaile, another producer for the project.

“At home I am a husband and a father,” said Aaron Sala, a musician who sang for the project. “I am the director of cultural affairs at the Royal Hawaiian Center, and I am on the Board of Directors at the Hawaiʻi Tourism Authority. I believe that kuleana is placed on us. We don’t choose, we simply carry out kuleana. By viewing kuleana as such, we, as a people, are able to progress and keep moving forward. Project Kuleana serves as a reminder to Hawaiians that we are all one people. As we live out our individual lives, these types of projects remind us of the relationship we have with each other as Hawaiians. ”

Head to ʻŌiwi TVʻs website to watch “Ka Naʻi Aupuni and “Where are the brothers”. Aloha.
[/spb_tab] [/spb_tabs]

[sf_gallery gallery_id=”17637″ slider_transition=”slide” show_thumbs=”yes” autoplay=”yes” show_captions=”no” enable_lightbox=”yes” width=”1/1″ el_position=”first last”]