Mele Ma Ka Lihiwai | Episode 4: ʻAi Pōhaku

Episode 4: ʻAi Pōhaku

Aloha mai kākou,

Ma ka pule Mele Manaka 2014 nō, ua loaʻa ko mākou wā e launa ai me ka ʻohana o ʻŌiwi TV, me ko mākou hoa ʻo Amy Kalili ma ke kikoʻī, no ke kūkākūkā ʻana no kā mākou mau mele ʻai pōhaku i haku ai e laʻa hoʻi me House on the Hill, Mele Mahi, Huki ʻIa a pēlā wale aku. ʻO Huki ʻIa kekahi o nā punahele a ua haku ʻia me ke kōkua o Pila Wilson lāua ʻo Iota Cabral, he mau polopeka ʻōlelo Hawaiʻi ma Ka Haka ʻUla o Keʻelikōlani e kūpaʻa ana ma hope o ke ola o kā kākou ʻōlelo makuahine. ʻOiai ʻo ka puolo reggae ke ʻano o kā mākou mau mele, he Hawaiʻi nō ke ʻano a ke kūpono, ʻo ka ʻōlelo Hawaiʻi nō ka ʻōlelo ʻoiai he mau kānaka ʻōlelo Hawaiʻi nō. ʻO Huki ʻIa me ka nui o kā mākou mau mele, he mau mele e hōʻoia ana i ke kuleana nui o kākou Hawaiʻi pākahi a pau ma ka ʻimi i ka pono nui o ka lāhui. No ko ʻAi Pōhaku, ma o ka haku a hoʻōla i nā mele ʻai pōhaku nō mākou e paipai ai i nā hoa e ʻauamo a hāpai i ia kuleana koʻikoʻi i luna. E nanea nō i ka nānā a hoʻolohe mai i kēia pūkana ʻo Mele Ma Ka Lihiwai ma oiwi.tv nei a i ʻole ma Oceanic Time Warner Cable ma ke kanela kikohoʻe 326.

Na mākou nō me ke kūpaʻa mau,

Na ʻAi Pōhaku

About the Series

ʻŌiwi TV presents “Mele ma ka Lihiwai”, an original series celebrating the unique sounds of Hawaiʻi’s most renowned and talented musicians. Set along the shores of Hilo’s meandering Honoliʻi river, Mele ma ka Lihiwai brings together twenty-three celebrated artists performing traditional local favorites alongside new original compositions. Stringing these musical pieces together are talk story sessions about the inspirations and personal sentiments behind the diverse range of mele. Watch a new episode each week beginning in November on Oceanic Digital Channel 326 or online at oiwi.tv