Hālau Kū Māna Teams Up With Nā Koa of Ānuenue

Hālau Kū Māna Teams Up With Nā Koa of Ānuenue

 

E kau mai ana ka māʻamaʻama o ke kukui ʻālohilohi o nā pāʻani pōpeku ma luna o nā ʻālapa e paʻu ikaika ana ma ke kahua paio pau ʻole. A ʻo ia kahi e lei mau ai ʻelua kula kuanaʻike Hawaiʻi i ka lei o ka lanakila i kēia kau.

ʻO ke kula ʻo Ānuenue a me Hālau Kū Māna nā kula i puka lanakila ma luna o ke alaina ʻo ka hoʻohui ʻana i ko lākou mau kula ʻelua i mau ma ke kime hāʻuki hoʻokahi, keu hoʻi ma ke kime pōpeku.

“No mau makahiki mākou kumu, mākou kaʻi ma Ānuenue, nui ka walaʻau ʻana no kēia ʻiʻini, no kēia hoihoi e hoʻopili i kēia mau kula ʻelua me ka manaʻo he mau kula Hawaiʻi kēia,” wahi a ko Ānuenue kaʻi pōpeku ʻo Lāiana Kanoa-Wong, ke kumu ʻōlelo Hawaiʻi hoʻi o Hālau Kū Māna kekahi.

He kula kaiapuni ʻōlelo Hawaiʻi ʻo Ānuenue a ʻo ke kula hōʻāmana ʻo Hālau Kū Māna kekahi o nā kula e kālele ana ma ka ʻike Hawaiʻi. ʻOiai he mau mile ma waena o ua mau kula nei, ʻo ka mea e hoʻokaʻawale maoli ana i nā kula ʻelua, ʻo ia hoʻi ke kānāwai e hoʻohui ana i kēia mau kula nei ma lalo o ka hui ʻālapa o Roosevelt.

“He kānāwai ko kākou e hoʻopili ana i nā kula hōʻāmana me kekahi kula kiʻekiʻe o ka ʻāina like,” wahi a Raymond Fujino, ka luna hoʻokele ma OIA.

Akā ʻaʻohe hāʻawipio ma ka ʻaoʻao o Hālau Kū Māna a me Ānuenue.

“Ua kūkā, walaʻau nā wā like ʻole, pehea e hoʻopili ai, pehea e hoʻopili ai, mau manawa aia nā alaina, he mau pōhaku i ke ala, ʻaʻole hiki ke kāʻalo, a ua pilikia,” wahi a Lāiana.

Eia naʻe, ma hope o ka hoʻolālā kūpono ʻana i waena o nā luna nui a me ka hui OIA, ua ʻāpono ʻia kēia hui like ʻana o Hālau Kū Māna me ko Ānuenue ma ko lākou mau hāʻuki ponoʻī iho nō.

“I kēia manawa, ke kahe nei ka wai ua ʻike ʻia ke ala a ua kūkulu ʻia kēia pilina a he mea hauʻoli nō,” wahi a Lāiana.

A ʻaʻohe hōʻole ʻana ko Raymond no ka maikaʻi o kēia neʻe ʻana. “He kūpono nō kēia pilina ʻoiai ua like ko lākou ʻano o ke aʻo ʻana.”

A no kēia ʻālapa o Hālau Kū Māna, ʻo ‘Ānuenue Tui hoʻi, ʻike ʻo ia he pōmaikaʻi kēia no Hālau Kū Māna a me Ānuenue. “Kēlā ke kula, ʻo kēlā ka pāʻani no ko mākou mau kānaka Hawaiʻi e hoʻoikaika a kūkulu no ko kākou mau ʻōlelo Hawaiʻi ʻana a me ka noʻonoʻo Hawaiʻi.”

Ma waho o ka mea ahuwale ʻo ke ʻano e Hawaiʻi ai kēia mau kula ʻelua nei, ua ulu a nui hou aku ko lākou pilina ma waho o ke kime pōpeku.

“He ʻohana i kūkulu ʻia me nā ʻike o nā kūpuna, hoʻāʻo kākou e noke no kēlā a no ka mea, makemake mākou, ʻo Nā Koa e lilo ʻo mākou nō ka heke,” wahi a Lāiana. “Makemake wau e kū me ka ʻike Hawaiʻi, hoʻomau i kēlā a e hoʻomanaʻo iā lākou i nā mea waiwai, e pale iā mākou iho, pale ko mākou kino me ka pule, pale me ka lāʻī, pale me ka paʻakai, pule no ka hoʻoikaika, pule i nā kūpuna, pule i nā ʻaumākua, ke pāʻani kākou, makemake e kuʻi i kekahi ʻaʻole ʻo ʻoe hoʻokahi, akā aia kaukani, ʻelua, ʻekolu kaukani kūpuna ma hope ou.”

No laila e puka aku kākou a e kākoʻo like i Nā Koa ma ko lākou pāʻani me Pearl City ma Waialua i kēia Poʻaono, lā ʻumikūmālima o Kepakemapa, hola ʻehā o ke ahiahi

Bright lights of this season’s football games will shine over a battlefield where victory falls in the hands of two Hawaiian culture schools.

Ānuenue and Hālau Kū Māna overcame another hurdle and combined their campuses in high school sports, including but not limited to football.

“We at Ānuenue have been talking about combining the two Hawaiian schools for years because it was only appropriate,” says Lāiana Kanoa-Wong, football coach at Ānuenue and Hawaiian language teacher at Hālau Kū Māna.

Ānuenue, a Hawaiian immersion school is a few miles away from Hālau Kū Māna, a Hawaiian cultural-based charter school, but the real separation was a law that placed both schools with a Hawaiian background under Roosevelt’s athletics.

“There is a state law that provides public charter schools to participate with a high school in their complex area,” says Raymond Fujino, Executive Director at OIA.

But Hālau Kū Māna and Ānuenue never gave up hope.

“We sought possible solutions as to how we’d combine the two schools but there were always hurdles on our path,” says Lāiana.

However, with a collective effort among school officials and OIA, combining the two schools became possible.

“Now the water is flowing on a clear path and we can build upon this relationship,” says Lāiana.

And according to Raymond, it was a good move for the team. “I think it was very beneficial because their curriculums are pretty similar.”

For this Hālau Kū Māna athlete, ʻĀnuenue Tui, he sees this as a great opportunity for not Hālau Kū Māna, but for Ānuenue too. “Through this unification, Ānuenue is helping us to stregnthen our Hawaiian language and we hope to share more about Hawaiian culture with them.”

Aside from the obvious Hawaiian background, this shared relationship has become more than just being about a team.

“We’re a family built on the knowledge of our ancestors and we strive for that to make us better warriors,” says Lāiana, “I want us to be instilled with our culture, to continue to remember our ancestors, and ask them for guidance and protection in all of our games because when we play, it’s not just us on that field, it’s thousand, two-three thousand of our ancestors too.”

So let’s all go out and support Nā Koa at their game against Pearl City in Waialua this Saturday, the15th of September, at 4 p.m.

ʻŌiwi TV reaches across generations, socio-economic statuses, and geographic locations as the sole media venue where the Hawaiian language, culture and perspective thrive. Through Digital Channel 326, ʻŌiwi TV reaches over 220,000 households across the entire State via Oceanic Time Warner Cable’s network. Through its website, mobile, and social media venues, ʻŌiwi TV is reaching Hawaiians everywhere and engaging a generation of Hawaiians that expect to access anything and everything from anywhere at anytime.

0 Comments

Leave a reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.