He mokulele hou ko Hawaiʻi nei nāna e kīkaha i nā pali o Koʻolau a e kuʻu ana i waena o ka ʻohana Molokaʻi, kahi i hoʻolauleʻa ʻia ai ka maka mua o kēia lele ʻana.
ʻOiai ʻo ka mua kēia o ko Molokaʻi kau ʻana aku i ua mokulele lā, he pilina kahiko ko Molokaʻi me kēia mokulele hou ma o ka ʻoihana mokulele kūhelu ʻo Hawaiian.
He pilina kamaʻāina no ke kenekoa ʻo Kalani English: “I ka wā ma mua, he ʻumi makahiki i hala paha, aia ʻo Hawaiian Airlines i ʻaneʻi.”
A i ko Hawaiian hoʻi ʻana aku ma o kēia mokulele hou loa, ʻo
ʻOhana na Hawaiian nō hoʻi, ua hoʻokō ʻia nō kona kuleana i laha hoʻi ma kona inoa, ʻo ka hoʻopili hou ʻana aku i nā ʻohana kekahi me kekahi.
“He mea nui noʻu i hiki iaʻu ke hoʻi i kēia ʻāina a kipa i koʻu ʻohana a nā poʻe ma Molokaʻi,” wahi a Camile Rose, he limahana hoʻi no ka mokulele ʻo Hawaiian.
A no kekahi limahana, ʻo John Kauahikaula Borden ʻŌpio hoʻi, ua nui kona mahalo kekahi.
“Ua haʻalele au no ke kulanui ma ka mokulele hope o Hawaiian, a eia nō au ma kuʻu ʻāina nei i kēia lā ma muli o ka mokulele mua na Hawaiian!”
Ma luna o kēlā me kēia mokulele i hoʻolālani ʻia ai he kanahākūmāwalu noho e noho ʻoluʻolu ai ʻo kānaka a he lau kūikawā e kau ana ma ka hiʻu o ka mokulele a i haku ʻia e ka ʻohana Zane.
Ua kū maoli nō kēia lau i ko Hawaiʻi Paeʻāina. A ʻo ia ihola nō ko ʻOhana na Hawaiian makemake no kēia mokulele kekahi.
“Hele mai lākou i Molokaʻi, mea ʻelua, i Lānaʻi,” wahi a ke kenekoa. “A manaʻolana wau e hele i Maui kekahi, hele i Hāna kekahi manawa aʻe, a pēlā. Hele paha i Kauaʻi, so aia nō ka commuter airlines no nā poʻe o Hawaiʻi nei!”
No ka manawa, e hoʻonanea i ka lele ʻana i Molokaʻi a laila i Lānaʻi ma ka lā ʻumikūmāwalu o kēia mahina nei!
A new airplane that flies to Molokaʻi was celebrated there by its new passengers.
Although this is a new plane, its connection to Molokaʻi traces back through Hawaiian Airlines.
A relationship that Senator Kalani English remembers clearly: “It has been ten years since Hawaiian Arilines has been here.”
Hawaiian Airlines is now back with its ʻOhana by Hawaiian plane. And as its name suggests, it is bringing families together once again.
“I can now enjoy this reliable service to bring me home to visit my family,” says Camile Rose, who is a Customer Service Agent for Hawaiian Airlines.
For Hawaiian Airlines flight attendant, John Kauahikaula Borden Jr., this mahalo is mutual.
“I was sent away to school on one of the last flights out of Molokaʻi and today is a very happy time for me to be able to come back home after school and being a part of this company, on the first flight back!”
Each plane is lined with 48 seats and is identified by its unique tail design, designed by the ʻohana Zane.
It is a design representing all of Hawaiʻi, which is exactly what is hoped of this plane.
“Molokaʻi and Lānaʻi are first in line,” says Senator Kalani English. “Then it will perhaps fly to Maui, or even Hāna. Maybe even Kauaʻi, so that all islands can access this commuter airlines!”
For now, plan your trip to Molokaʻi or beginning March 18, a trip to Lānaʻi.